E a sikova mai na Tabacakacaka iTaukei na iVukevuke ni Minisita ni Foreign Affairs ni Matanitu o Isireli, o Hon. Sharren Haskel, qo ena nona tomana tiko ga na nona sikova mai na wasa Pasifika ka wili kina na noda vanua.

 

Na marama Minisita ea sikova taumada mai na noda valenivolavola, ka rau bau mai veitalanoa kei na Turaga Minisita ni tabacakacaka iTaukei o ifereimi Vasu. Ea lewe tale tu ga ni veitalanoa qo na iVukevuke ni Liuliu ni Boselevu vakaturaga na Turaga na Tui Nayau, Ratu Tevita Uluilakeba Mara, kei na Vunivola Tudei Jone Navakamocea.

 

Na veitalanoa qo e umani kina e vica na ka e rawa ni na veivuke mai kina na Matanitu o Isireli kina Tabacakacaka iTaukei ena noda qaravi na kawa iTaukei. Qo e oka kina na gagadre ni veivuke ena kena maroroi na noda itovo (Cultural preservation), veivakatorocaketaki (Community development) wili kina na tabana vakaiteitei (Agriculture), kei na kena vaqaqacotaki ga na veiwekani ni matanitu e rua.

 

E solia vakailoloma talega na Marama Minisita kina Tabacakacaka e 40 na Biogas ni vakasaqa. Na biogas e dua na mataqali iyaya ni vakasaqa ka vakayagataki ga kina na benu ni kakana me vakawaqaca na sitovu.

 

Sa vakanuinui vinaka na Tabacakacaka iTaukei vua na Marama Minisita kei na nona ilawalawa ena nodratou veisiko ka sa vakanamata talega na Tabacakacaka ena kena vaqaqacotaki tiko na veisemati ni matanitu e rua.